कार्तिक १३, काठमाण्डौँ ।
सरकारले राष्ट्रिय निजी तथा आवासीय विद्यालय एसोसिएसन नेपाल (एन–प्याब्सन) लाई निलम्बन गरेको छ । गृह मन्त्रालयले एक सूचना जारी गरी एन–प्याब्सनलाई अर्को निर्णय नभएसम्मका लागि निलम्बन गरेको जनाएको हो ।

एन–प्यब्सनले मन्त्रालयबाट दिइएको निर्देशन बारम्बार पालना नगर्नुका साथै संगठनका पदाधिकारीहरूले सरकारले स्वीकृत गरेको विधान तथा संगठनको मूल उद्देश्यभन्दा विपरीतका कार्यहरूसमेत गरेकाले निलम्बन गर्नुपरेको सूचनामा उल्लेख छ ।

साथै निलम्बीत संस्थाको नाममा कुनै पनि गतिविधि नगर्न सचेत गराउदै त्यस्ता गतिविधि भए कानुनबमोजिम कारबाही गरिने चेतावनी पनि दिइएको छ ।