असोज २२, काठमाण्डौँ ।
आन्तरिक वायुसेवा कम्पनीहरु हवाई भाडा घटाउन सहमत भएका छन । आज नेपाल नागरिक उड्यन प्राधिकरण क्यानसँगको छलफलमा आन्तरिक वायुसेवा कम्पनीका पदाधिकारीहरु भाडा घटाउन सहमत भएका हुन ।

नजिकिँदो चाडपर्वको मौका छोपेर हवाई भाडा दर बढाएको भन्ने गुनासो आएपछि प्रधानमन्त्री वालेन्द्र शाहको निर्देशन र संस्कृति, पर्यटन तथा नागरिक उड्डयनमन्त्री खडकराज पौडेलको सक्रियतामा क्यानले आज सम्बन्धित आन्तरिक वायुसेवा कम्पनीलाई छलफलका लागी बोलाएको थियो ।

छलफलका क्रममा क्यान र आन्तरिक वायुसेवा कम्पनीका पदाधिकारी र प्रतिनिधिबीच स्वीकृत भाडादरभन्दा सस्तोमा टिकट बिक्री वितरण गर्नेरगराउने र सो भाडादरबारे सूचना सम्बन्धित वायुसेवाको बिक्री वितरण प्लेटफर्ममा प्रकाशन गर्ने सहमति भएको छ।